کرونا وائرس کی ویکسین تیار کر لی گئی جون تک عوام کے استعمال کے لیے دستیاب ہو گی۔ برطانوی سائنسدان کا دعویٰ

برطانوی سائنسدان نے اعلان کیا ہے کہ کرونا وائرس کی ویکسین ایجاد کر لی گئی ہے جو جون تک دستیاب ہوگی۔تفصیلات کے مطابق کرونا وائرس کی ویکسین تیار کرنے کے لیے مختلف ممالک میں کام ہو رہا ہے تاہم برطانوی سائنسدانوں کا دعویٰ ہے کہ اب اس مہلک وائرس کی ویکسین تیار کی جا چکی ہے۔ سائنسدانوں نے بتایا ہے کہ وہ اس ویکسین کا تجربہ چوہوں پر کرچکے ہیں جب کہ انسانوں پر تجربات جاری ہیں۔

برطانوی ذرائع ابلاغ کے مطابق برطانوی سائنسدانوں کی ٹیم نے بتایا ہے کہ فرانسیسی سائنسدان بھی کرونا کی ویکسین بنانے میں مصروف ہیں۔جون تک یہ ویکسین عوامی استعمال کے لیے دستیاب ہو گی۔تاہم سائنسدانوں نے خبردار کیا ہے کہ جب تک ویکسین عوامی استعمال کے لیے دستیاب نہیں ہو جاتی۔

وائرس سے بچنے کے لیے سخت ترین اقدامات کیے جائیں۔ یاد رہے اس سے قبل چین کے سائنسدانوں کی جانب سے رواں ماہ اعلان کیا گیا تھا کہ انہوں نے بھی کرونا وائرس کی ویکسین تیار کر لی ہے جس کا تجربہ انسانوں پر اپریل میں کیا جائے گا۔

دنیا بھر میں کرونا وائرس کا علاج ڈھونڈنے کی کوشش کی جا رہی ہے۔ ویکسین تیار کرنے کے حوالے سے امریکی فارما کمپنیوں نے بھی امریکی صدر سے ملاقات میں یہی کہا تھا کہ ان کے لئے ویکسین تیار کرنا ممکن نہیں۔ ماہرین کا کہنا تھا کہ اگر وہ مسلسل کام بھی شروع کر دیں، پھر بھی انہیں ویکسین تیار کرنے میں18 مہینے کا وقت درکار ہو گا۔ لیکن اب برطانوی سائنسدان نے اعلان کیا ہے کہ کرونا وائرس کی ویکسین ایجاد کر لی گئی ہے جو جون تک دستیاب ہوگی جبکہ دوسری جانب چین حکام کی جانب سے بھی ایک ویکسین تیار کی گئی ہے جسے اگلے ماہ اپریل میں پیش کیا جائے گا اور کسی انسان پر اس کا تجربہ کیا جائے گا۔